ನಾಗಚೈತನ್ಯ ಜೊತೆ ನಿಶ್ಚಿತಾರ್ಥ ಆದ್ಮೇಲೆ ಎಲ್ಲರ ಗಮನ ಶೋಭಿತಾ ಮೇಲಿದೆ. ಒಂದಲ್ಲಾ ಒಂದು ವಿಚಾರವಾಗಿ ಸುದ್ದಿಯಾಗ್ತಿರೋ ನಟಿಗೆ ಈಗ ‘ಡಾನ್ 3’ ಸಿನಿಮಾದಲ್ಲಿ ಕಾಣಿಸಿಕೊಳ್ಳುವ ಅವಕಾಶ ಸಿಕ್ಕಿದ್ದು, ಹೊಸ ಚಿತ್ರದಲ್ಲಿ ರಣ್‌ವೀರ್ ಸಿಂಗ್ ಜೊತೆ ನಟಿ ಶೋಭಿತಾ ಹೆಜ್ಜೆ ಹಾಕಲಿದ್ದಾರೆ ಎನ್ನಲಾಗಿದೆ.
ಈ ಚಿತ್ರದಲ್ಲಿ ಐಟಂ ಹಾಡಿಗೆ ಹೆಜ್ಜೆ ಹಾಕಲು ಶೋಭಿತಾನೇ ಸೂಕ್ತ ಅಂತ ಫರ್ಹಾನ್ ಅಖ್ತರ್ ತಂಡ ನಟಿಯನ್ನು ಸಂಪರ್ಕಿಸಿದೆ.
ಇನ್ನೂ ರಣ್‌ವೀರ್ ಮತ್ತು ನಾಯಕಿ ಕಿಯಾರಾ ಜೊತೆ ಶೋಭಿತಾಗೂ ಪ್ರಾಮುಖ್ಯತೆ ಇದ್ದು, ಸಾಂಗ್ ಕೂಡ ಪಡ್ಡೆಹುಡುಗರಿಗೆ ಕಿಕ್ ಕೊಡುವಂತಿದೆಯಂತೆ. ಹಾಗಾಗಿ ‘ಡಾನ್ 3’ ಸಿನಿಮಾದ ಭಾಗವಾಗಲು ಶೋಭಿತಾ ಕೂಡ ಓಕೆ ಎಂದಿದ್ದಾರೆ ಎಂಬುದು ಇನ್‌ಸೈಡ್ ಸುದ್ದಿ. ಆದರೆ ಇದು ನಿಜನಾ ಎಂಬುದನ್ನು ಚಿತ್ರತಂಡವೇ ತಿಳಿಸಬೇಕಿದೆ. ಇನ್ನೂ ವಿಭಿನ್ನ ಕಥೆಯಲ್ಲಿ ಎಂದೂ ನಟಿಸಿರದ ರೋಲ್‌ನಲ್ಲಿ ರಣ್‌ವೀರ್ ಮತ್ತು ಕಿಯಾರಾ ಕಾಣಿಸಿಕೊಳ್ತಿದ್ದಾರೆ. ಮುಂದಿನ ವರ್ಷ ಈ ಸಿನಿಮಾದ ಶೂಟಿಂಗ್ ಶುರುವಾಗಲಿದೆ.
Post a comment
Log in to write reviews