ಸಿನಿ ಸ್ಟೈಲ್
ಸಿನಿಮಾ ವೀಕ್ಷಿಸಿದ ʼಅನ್ನʼರಾಮಯ್ಯ
ಕಾಂಗ್ರೆಸ್ ಸರ್ಕಾರದ ಪಂಚ ಗ್ಯಾರಂಟಿಗಳಲ್ಲಿ ಅನ್ನ ಯೋಜನೆಯೂ ಒಂದು. ಬಡವರ ಹಸಿವು ತಣಿಸಲು ʻಅನ್ನಭಾಗ್ಯʼವನ್ನ ಸರ್ಕಾರ ಜಾರಿಗೆ ತಂದಿದೆ. ಲಕ್ಷಾಂತರ ಬಡವರು ಯೋಜನೆಯ ಸದುಪಯೋಗ ಪಡೆಯುತ್ತಿದ್ದಾರೆ. ಇದೇ ಅನ್ನಭಾಗ್ಯದ ಎಳೆಯನ್ನ ಇಟ್ಟುಕೊಂಡು ನಿರ್ಮಾಣದ ಮಾಡಿದ ಸಿನಿಮಾವೊಂದನ್ನ ಸಿಎಂ ಸಿದ್ದರಾಮಯ್ಯ ವೀಕ್ಷಿಸಿದ್ದಾರೆ.
ಮೈಸೂರಿಗೆ ತೆರಳಿದ್ದ ವೇಳೆ ಬಿಡುವು ಮಾಡಿಕೊಂಡ ಸಿಎಂ ಸಿದ್ದರಾಮಯ್ಯ, DRC ಚಿತ್ರಮಂದಿರದಲ್ಲಿ ʻಅನ್ನʼ ಸಿನಿಮಾವನ್ನ ಕಣ್ತುಂಬಿಕೊಂಡಿದ್ದಾರೆ. ಚಿನ್ನ ವರ್ಣದ ಪೈಜಾಮ್, ಶಲ್ಯ, ಬಿಳಿ ಪಂಚೆ ತೊಟ್ಟು ಥಿಯೇಟರ್‌ಗೆ ಬಂದ ಸಿಎಂ ವೀಕ್ಷಕರ ಮಧ್ಯೆ ಕುಳಿತು ಚಿತ್ರ ನೋಡಿದ್ದಾರೆ.
ಚಿತ್ರಮಂದಿರದ ಕೆಂಪು ಬಣ್ಣದ ಕುರ್ಚಿಯಲ್ಲಿ ಅಸೀನರಾದಾಗ ಥ್ರಿಲ್ ಆದ ಕೆಲ ಪ್ರೇಕ್ಷಕರು, ಸಿಎಂ ಸಿದ್ದರಾಮಯ್ಯ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದಾರೆ. ಸಿಎಂ ಜೊತೆಯೇ ಕೂತು ʻಅನ್ನʼ ಚಿತ್ರ ವೀಕ್ಷಿಸಿದ್ದಾರೆ. ʻಅನ್ನ ಉಣ್ಣಕ್ಕೆ ಹಬ್ಬಕ್ಕೆ ಕಾಯುವʼ ವಿಶಿಷ್ಠ ಸಿನಿಮಾ ʻಅನ್ನಭಾಗ್ಯʼದ ಅಗತ್ಯಕ್ಕೆ ಮತ್ತು ಅದರ ಮಹತ್ವಕ್ಕೆ ಬೆಳಕು ಚೆಲ್ಲುವಂತಿದೆ.
Post a comment
Log in to write reviews