ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲ್ಲೂಕಿನಲ್ಲಿ ಮೇ 4ರಂದು ಸಂಜೆ ಸುರಿದ ಮಳೆಗೆ ಲಕ್ಷಾಂತರ ರೂ. ಹಾನಿಯಾಗಿದೆ. ಮಳೆಗೆ ಹಲವಾರು ಮನೆಗಳು ಜಖಂ ಆಗಿವೆ. ನೂರಾರು ಮರಗಳು, ವಿದ್ಯುತ್ ಕಂಬಗಳು ನೆಲಕ್ಕುರುಳಿವೆ. 1450 ಬಾಳೆ ಮರಗಳು ನಾಶವಾಗಿವೆ. ಮನೆಗಳು ಜಖಂ ಗೊಂಡಿದ್ದು, ಕಳೆದುಕೊಂಡ ಕುಟುಂಬ ಬೀದಿಗೆ ಬಂದಿದೆ.
ಮೇ 4 ರ ಸಂಜೆ ಸುರಿದ ಧಾರಾಕಾರ ಮಳೆಗೆ, ತಾಲೂಕಿನ ಲಿಂಗ ಪಟ್ಟಣ ಗ್ರಾಮದ ಕೃಷ್ಣ ಎಂಬುವರಿಗೆ ಸೇರಿದ ಬಾಳೆ ತೋಟ ಸಂಪೂರ್ಣ ನಾಶವಾಗಿದೆ.
ತೋಟದಲ್ಲಿ ಒಟ್ಟು 1450 ಬಾಳೆ ಮರ ನಾಶವಾಗಿದೆ. ಇದರಿಂದ ಒಂದುವರೆ ಲಕ್ಷಕ್ಕೂ ಹೆಚ್ಚು ರೂ ನಷ್ಟವಾಗಿದೆ ಎಂದು ರೈತ ಕೃಷ್ಣ ತಿಳಿಸಿದ್ದಾರೆ.
ಅಷ್ಷೇ ಅಲ್ಲದೆ ಅವರ ಮನೆಯ ಮೇಲ್ಚಾವಣಿ ಸಂಪೂರ್ಣ ಜಖಂ ಗೊಂಡಿದ್ದು ಮನೆಯನ್ನು ಕಳೆದುಕೊಂಡ ಈ ಕುಟುಂಬ ನಿರಾಶ್ರಿತವಾಗಿದೆ.
ಸರ್ಕಾರದಿಂದ ಸೂಕ್ತ ಪರಿಹಾರ ಕೊಡಿಸಿಕೊಡುವಂತೆ ಕಂದಾಯ ಇಲಾಖೆ ಅಧಿಕಾರಿಗಳನ್ನು ಕೃಷ್ಣ ಆಗ್ರಹಿಸಿದ್ದಾರೆ.
Post a comment
Log in to write reviews